De Jugendfussball spillt beim FC72 schonns ëmmer eng elementar Roll. Eist Haaptzil ass et, dat ALL Kand Spaass um Fussball huet an sech dobäi sportlech weider entwéckelt. Nieft dem sportlechen ass et dem FC72 awer genausou wichteg de Kanner am Veräi sozial Wäerter wéi Toleranz, Respekt, Fair-play an Zesummenhalen ze vermëttelen. Och huet de FC72 ma senger Jugendaarbecht eng wichteg Roll bei der Integratioun vu Kanner an hier Famillen an eiser Gemeng an an der Ëmgéigend.